Contoh Cerkak Bahasa Jawa

ROTI PACE

                Wengi iku aku wis pegel, tapi mara-mara aku dikandani kanca-kanca yen mene iku ana ulangan matematika lan tugas wirausaha. aku bingung, sebabe aku durung sinau matematika, lan aku ana dispen terus sing garai aku ora tau melu pelajaran. Akhire aku gak sinau, lan diskusi masalah tugas wirausaha karo kelompokku, kita gawe panganan roti keju. Terus, dibagi bahan-bahan sing kudu digawa. Aku kebagiyan gawa terigu, sauntara Erlin gawa keju.

            Dina iku wayahe matematika, aku kepeksan melu ulangan. Aku wis pasrah masio mengko hasile elek. Pas gurune rawuh, aku ngejer. Barang soale dibagi, uuh.. soale angel tenan. “nomer siji jawabane apa cah?” kanca mburiku nyaduk-nyaduk bangkuku. “sik ta, aku ya ora isa” jawabku. Akhire, dak jawab kabeh soale, masio aku ngerti aku ora bakal entuk biji ndukure 50. Sak marine ulangan matematika, Erlin kanda yen dheweke tuku keju sing regane 150 ewu. “Masya Allah lin, lin. Mbok yo dipikir nek arep tuku apa-apa, ngeneiki awakdhewe ora sido bathi malah tambel” Aris nyeplos. “wis. ngene wae, awakdhewe urun gawe ngganteni dhuwite Erlin ae, sak arek bayar 30 ewu. Piye?” Rino nengahi. “ora isa ngunu cah, sing salah kan Erlin, lha dheweke tuku barang larang ora kandha-kandha kancane dhisik” Aris ora terima. “wis-wis rek, ora usah geger wae, sak iki dipikir piye jalan tengahe. Aku isih ngelu iki mikirno matematika” aku nyauti. “ngene, sak iki dibalikke wae kejune, diijolke sing luwih murah, piye? Setuju apa ora?” Rino ngekeki jalan tengah. “setuju!” kabeh nyauti.

            Bel mulih sekolah wis muni. Sakiki wayahe kelompokku budhal garap tugas masak. Erlin sing paling semangat garap, sebabe dheweke seneng mangan. “rek, aku ijin budhal ngijolake keju ya. Mengko tak golek sing luwih murah” Erlin budhal ngijolake keju. Sauntara Aku, Rino, Aris, budhal menyang omahe Ardhan.

            Erlin wis mari ngijolake keju, terus awakdhewe masak. Pas kejune dak buka, “lho lin, awakmu salah tuku iki? Iki lak cokelat, duduk keju” sautku. “he iya, sebabe maeng aku golek keju sing murah ora ana, akhire tak ijolake cokelat, murah” Erlin jawab. “ya wis lah, awakdhewe gawe roti cokelat ae” aku nyaut.

            Proses masak e diteruske sampek mateng rotine. “hmmmm... sedhep” Ardhan nyeletuk, “yen ambune wis sedhep ngene, rasane ya jelas enak cah”. Ardhan arep ngicip, “lin, aku ngicip siji ya”. Erlin meneng. Barang wis diicipi Ardhan, dheweke mara-mara kepaiten, “iki roti pace tho lin?” Ardhan takon, “ngawur ae, roti cokelat” Erlin muring-muring, “rasane ngalah-ngalahi pace” Ardhan nggerutu. “lho iya tha dhan?”, aku melu ngicip, rasane pait tenan. Barang tak sawang wadah cokelate , “lin, cokelate kuwi dark chocolate, jinis cokelat sing rasane pait, ora ana gulane” celotehku. “lhayo lin, kerjamu kok ya ora tau beres” Aris bengok-bengok, “gara-gara matematika iki, dadi ngelu kabeh” Rino guyon. Awakdhewe guyu bareng.